ரொறன்ரோவில் நிலவி வரும் பனிப்பொழிவு காரணமாக வாகன விபத்துக்கள் பதிவாகியுள்ளன.
இந்த விபத்துக்கள் காரணமாக காயங்கள் ஏதுவும் ஏற்படவில்லை எனவும் வீதிகள் மூடப்படவில்லை எனவும் தெரிவிக்கப்படுகின்றது.
எனினும், பயணங்களில் கால தாமதங்கள் பதிவாகியுள்ளதாகத் தெரிவிக்கப்படுகின்றது.
பனிப்பொழிவு நிலைமைகளினால் பியர்சன் விமான நிலையத்தின் பயணங்கள் ரத்து செய்யப்பட்டுள்ளன. மேலும் சில விமானப் பயணங்கள் காலம் தாழ்த்தப்பட்டதாகத் தெரிவிக்கப்படுகின்றது.
ஏற்கனவே பனிப்பொழிவு தொடர்பில் ரொறன்ரோவில் பயண எச்சரிக்கை விடுக்கப்பட்டிருந்தது.
கடும் பனிப்பொழிவு காரணமாக சுமார் 56 பஸ் தரிப்பிடங்கள் செயலிழந்துள்ளதாகத் தெரிவிக்கப்படுகின்றது.
ரொறன்ரோ பொதுப் போக்குவரத்து சேவை இந்த தகவலை வெளியிட்டுள்ளது.
பாதைகள் வழுக்கும் தன்மையுடைய காரணத்தினால் வாகன விபத்துக்கள் பல இடங்களில் பதிவாகியுள்ளதாகத் தெரிவிக்கப்படுகின்றது.
சாரதிகள் மிகுந்த அவதானத்துடன் வாகனங்களை செலுத்துமாறு அறிவுறுத்தப்பட்டுள்ளது.
