சிறுவர் சிறுமிகளிடம் ஆபாச பேச்சு, பணம் மோசடி போன்ற வழக்கில் கைது செய்யப்பட்ட யூடியூபர் மதன் மீது குண்டர் சட்டம் பாய்ந்தது. பப்ஜி (PUBG )உள்ளிட்ட ஆன்லைன் விளையாட்டுகளை யூடியூப் சேனல் மூலம் நடத்திய ஆபாசமாக பேசிக்கொண்டே விளையாடியதுடன், ஆபாச யூடியூப் தளம் நடத்தியதாக பப்ஜி மதன் மீது சென்னை காவல் ஆணையர் அலுவலகம், சைபர் கிரைம் பிரிவிலும், சென்னை மத்திய குற்றப்பிரிவிலும் புகார்கள் குவிந்தன.
இந்த புகார்களின் அடிப்படையில் யூடியூபர் மதன் (Youtuber Madan) மீது சென்னை மத்திய குற்றப்பிரிவு சைபர் கிரைம் போலீஸார், கவல் தொழில் நுட்பத்தை தவறாக பயன்படுத்துதல், பெண்களை ஆபாசமாக சித்தரித்து பேசுதல், அவதூறாக பேசுதல், ததடை செய்யப்பட்ட செயலியை பயன்படுத்துதல் உள்ளிட்ட பிரிவுகளின் வழக்கு பதிவு செய்தனர். அதன்படி விசாரணைக்கு ஆஜராகும்படி சம்மன் அனுப்பிய நிலையில் தலைமறைவாகி இருந்த மதன் கடந்த ஜூன் மாதம் 18ம் தேதி தர்மபுரியில் கைது செய்யப்பட்டான். அதற்கு முன்னதாகவே அவரது மனைவி கைது செய்யப்பட்டார். பின்னர் இருவரும் ஜாமீனில் வெளிவந்தனர்
முன்னதாக ஜாமீன் கோரி மதன் தாக்கல் செய்த வழக்கு சென்னை முதன்மை அமர்வு நீதிமன்ற நீதிபதி செல்வக்குமார் முன் விசாரணைக்கு வந்தது. அப்போது, விசாரணை முழுமையாக முடிவடையவில்லை. பல நபர்களிடம் மதன் மோசடி செய்துள்ளார். அதனை முழுமையாக விசாரிக்க வேண்டும். எனவே மதனின் ஜாமீன் மனுவை தள்ளுபடி செய்யப்படும் என்று அவர் கூறி உத்தரவு பிறப்பித்துள்ளார். என்பது குறிப்பிடத்தக்கது.
