தெலுங்கு சூப்பர் ஸ்டார் பிரபாஸ், பூஜா ஹெக்டே இணைந்து நடிக்கும் காதலை மையமாக வைத்து உருவாகும் படமான ராதே ஷ்யாம் படம் 2020ம் ஆண்டு பொங்கல் தினத்தில் வெளியாகும் என அப்படக்குழு அறிவித்துள்ளது.
பாகுபலி (Bahubali) படம் மூலம் இந்தியா முழுவதும் அறிமுகம் ஆனவர் நடிகர் பிரபாஸ் (Prabhas). அப்படத்தின் வெற்றியைத் தொடர்ந்து நிறைய பெரிய படங்களில் கமிட் ஆனர் பிரபாஸ். 2019ம் ஆண்டு வெளியான சாகோ படம் பான் இந்தியா படமாக வெளியானது. அதனை தொடர்ந்து அவர் நடிக்கும் அடுத்த படமான ராதே ஷ்யாமும் (Radhe Shyam) பான் இந்திய படமாக வெளியாக இருக்கிறது.
1970-களில் ஐரோப்பில் நடக்கும் காதல் கதையாக இப்படம் எடுக்கப்பட்டு வருகிறது. மிகுந்த பொருட்செலவில் உருவாகும் இப்படத்தினை யுவி கிரியேசன்ஸ் நிறுவனம் தயாரிக்கிறது. கடந்த வருடம் ஜூலை 30 ஆம் தேதி வெளியாக வேண்டிய இப்படம் கொரோன காரணமாக வெளியாகவில்லை. தற்போது கொரோனா தாக்கம் மெல்ல குறைந்து வரும் நிலையில் அடுத்த வருடம் பொங்கல் தினத்தில் வெளியாகும் என்று அப்படக்குழு அறிவித்துள்ளது.
