நாடாளுமன்ற மழைக்கால கூட்டத்தொடர் கடந்த மாதம் 19-ஆம் தேதி தொடங்கியது. கூட்டத்தொடரின் முதல் நாளில் இருந்தே பெகாசஸ் ஒட்டு கேட்பு விவகாரம் உள்ளிட்ட பல்வேறு பிரச்சினைகளை மையப்படுத்தி எதிர்க்கட்சிகள் நாடாளுமன்றத்தின் இரு அவைகளையும் முடக்கி வருகின்றன.
இதற்கிடையில், நாடாளுமன்ற மழைக்கால கூட்டத்தொடர் வரும் 13 ஆம் தேதியுடன் முடிவுக்கு வருகிறது.
இந்நிலையில், பாஜக நாடாளுமன்ற உறுப்பினர்களின் குழுக்கூட்டம் நாளை நடைபெற உள்ளது. நாடாளுமன்ற வளாகத்தில் நடைபெற உள்ள இந்த கூட்டத்தில் பாஜக கட்சியை சேர்ந்த மக்களவை மற்றும் மாநிலங்களவை உறுப்பினர்கள் பங்கேற்க உள்ளனர்.
நாளை நடைபெற உள்ள இந்த கூட்டத்தில் பிரதமர் மோடி உள்ளிட்ட முக்கிய தலைவர்கள் பங்கேற்க உள்ளதாக தகவல் வெளியாகியுள்ளது. இந்த கூட்டத்தில் முக்கிய முடிவுகள் எடுக்கப்படலாம் என எதிர்பார்க்கப்படுகிறது.
