பெரும் எண்ணிக்கையிலான ஆப்கானிஸ்தான் பிரஜைகளுக்கு அடைக்கலம் வழங்குவது சிரமமானது என கனேடிய பிரதமர் ஜஸ்ரின் ட்ரூடே தெரிவித்துள்ளார்.
அதிக எண்ணிக்கையிலான ஆப்கான் பிரஜைகளை கனடாவில் குடியேற்றுவதற்கு அரசாங்கம் விரும்புகின்றது என அவர் குறிப்பிட்டுள்ளார்.
எனினும் அந்தளவு எண்ணிக்கை ஆப்கான் பிரஜைகளை அங்கிருந்து கனடாவிற்கு அழைத்துவருவது நடைமுறைச் சாத்தியமற்றது என அவர் குறிப்பிட்டுள்ளார்.
ஏனெனில் தலிபான் கிளர்ச்சியாளர்கள் ஆப்கானிஸ்தானியர்கள் வெளியேறுவதனை பல்வேறு வழிகளில் தடுத்து வருகின்றனர் என அவர் சுட்டிக்காட்டியுள்ளார்.
இவ்வாறான ஓர் பின்னணியில் ஆப்கான் பிரஜைகளை கனடாவில் குடியேற்றுவது மிகவும் சவால் மிக்கதானது என அவர் சுட்டிக்காட்டியுள்ளார்.
எவ்வாறெனினும் முடிந்தளவு ஆப்கான் பிரஜைகளுக்கு அடைக்கலம் வழங்க கனடா நடவடிக்கை எடுக்கும் என அவர் குறிப்பிட்டுள்ளார்.
