ஹிந்துஸ்தானை நாம் பாதுகாப்போம். மற்றொரு பாகிஸ்தான் மற்றும் தலிபான் ராஜ்ஜியம் உருவாக மேற்கு வங்கம் எப்போதும் அனுமதிக்காது” என மேற்கு வங்க முதல்வரும் திரிணமுல் காங். தலைவருமான மம்தா பானர்ஜி கூறியுள்ளார்.
மேற்கு வங்கத்தில் மூன்று சட்டசபை தொகுதிகளுக்கு இம்மாத இறுதியில் இடைத் தேர்தல் நடக்க உள்ளது. இதில் பவானிபுர் தொகுதியில் முதல்வர் மம்தா அவர் போட்டியிடுகிறார்.இந்தத் தொகுதியில் பெங்காலிகள் அல்லாதோர் 40 சதவீதம் உள்ளனர். அவர்களுடைய ஓட்டுக்களை பெறுவதற்காக பெங்காலிகள் அல்லாதோர் பிரிவினரை மம்தா பானர்ஜி நேற்று சந்தித்தார்.
அப்போது அவர் கூறியதாவது:இது ரவீந்திரநாத் தாகூர் பிறந்த மண் வங்கதேச கவிஞர் நஸ்ருல் அஸ்லாம் பிறந்த மண். மேற்கு வங்கம் எப்போதும் ஹிந்துஸ்தானை பாதுகாக்கும். மற்றொரு பாகிஸ்தான் அல்லது தலிபான் ராஜ்ஜியம் உருவாக்க அனுமதிக்க மாட்டோம். நாம் அனைவரும் ஒற்றுமையுடன் இருப்போம்.
இவ்வாறு அவர் பேசினார்.மம்தாவின் இந்தப் பேச்சை பா.ஜ. சார்பில் போட்டியிடும் பிரியங்கா திப்ரவால் விமர்சித்துள்ளார்.”சிறுபான்மையினருக்கு மட்டுமே ஆதரவாக செயல்படும் மம்தா பானர்ஜி கோவிலுக்கு போவேன் என்று கூறியுள்ளார். இதற்காக மக்கள் பிரதமர் நரேந்திர மோடிக்கு நன்றி தெரிவிக்க வேண்டும். தோல்வி பயத்தில் தேர்தல் நாடகமாடுகிறார்” என பிரியங்கா திப்ரவால் கூறியுள்ளார்.
