ஸ்காப்ரோவில் டெக்ஸி சாரதி ஒருவர் மீது துப்பாக்கிச் சூடு நடத்தப்பட்டுள்ளது.
இந்த துப்பாக்கிச் சூட்டு சம்பவத்தில் டெக்ஸி சாரதியொருவர் உயிரிழந்துள்ளார்.
ஸ்காப்ரோவின் பார்மசி மற்றும் எக்லின்டன் வீதிகளுக்கு அருகாமையில் இந்த துப்பாக்கிச் சூட்டு சம்பவம் இடம்பெற்றுள்ளது.
துப்பாக்கிச் சூட்டில் படுகாயமடைந்த டெக்ஸி சாரதி வைத்தியசாலையில் அனுமதிக்கப்பட்டதாக பொலிஸார் தெரிவிக்கின்றனர்.
குறித்த டெக்ஸி சாரதி சிகிச்சை பலனின்றி உயிரிழந்துள்ளார் என தெரிவிக்கப்படுகின்றது.
டெக்ஸியொன்று மோதுண்டு விபத்துக்குள்ளாகியுள்ளது என கிடைக்கப் பெற்ற தகவலை அடுத்து பொலிஸார் சம்பவ இடத்திற்கு சென்றுள்ளனர்.
அதன் போது குறித்த டெக்ஸி சாரதி படுகாயமடைந்த நிலையில் இருந்ததாகவும் அவரை மீட்டு வைத்தியசாலையில் அனுமதித்துள்ளதாகவும் தெரிவிக்கப்படுகின்றது.
இந்த சம்பவம் தொடர்பில் எந்தவொரு சந்தேக நபரும் இதுவரையில் கைது செய்யப்படவில்லை என்பதுடன் விசாரணைகள் முடுக்கி விடப்பட்டுள்ளது.
